ایم کیو ایم کا عمران خان کے خلاف ملک گیر احتجاج مؤخر -
The news is by your side.

Advertisement

ایم کیو ایم کا عمران خان کے خلاف ملک گیر احتجاج مؤخر

کراچی :متحدہ قومی موومنٹ کے قائد الطاف حسین کی خصوصی ہدایت پر پاکستان تحریکِ انصاف کے سربراہ عمران خان کے خلاف ملک گیر احتجاجی مظاہرہ مؤخرکردیا گیا ہے۔

ایم کیو ایم رابطہ کمیٹی کے اعلامیہ کے مطابق الطاف حسین کی خصوصی ہدایت پر پاکستان تحریکِ انصاف کے سربراہ عمران خان کے خلاف ملک گیر احتجاجی مظاہرہ مؤخرکردیا گیا ہے۔

سندھ ، خیبرپختونخوا ، بلوچستان ، گلگت بلتستان اور آزاد کشمیر میں بدھ کے روز تحریکِ انصاف کے سربراہ عمران خان کیخلاف احتجاجی مظاہرہ نہیں کیا جائے گا اور کارکنان پُر امن رہیں اور کسی بھی قسم کے اشتعال میں نہ آئیں ۔

دوسری جانب ایم کیو ایم کے قائد الطاف حسین کی جانب سے خواتین کارکنان سے معذرت کے بعد تحریکِ انصاف نے بھی پنجاب میں احتجاج کی کال واپس لے لی ہے تاہم تحریکِ انصاف سانحہ بلدیہ ٹاؤن کے خلاف پنجاب بھر میں احتجاج کرے گی۔

اس سے قبل متحدہ قومی مومنٹ کے قائد الطاف حسین نے کہا کہ اگر میرے بیان سے دھرنے میں موجود خواتین کی دل آزاری ہوئی ہے تو دھرنے میں شریک خواتین سے معذرت چاہتا ہوں۔

 ایم کیو ایم کے قائد الطاف حسین نے ایم کیوایم کی ریلی میں بعض رہنماؤں کی جانب سے کی جانے والی تقریروں پر ناپسندیدگی کا اظہار کیا ہے ۔

Comments

comments

یہ بھی پڑھیں