The news is by your side.

Advertisement

ایم کیو ایم کل بلدیاتی قانون کے خلاف احتجاج کرے گی

ایم کیو ایم نے ترمیمی بل کے خلاف احتجاجی تحریک چلانے کا اعلان کر دیا۔۔۔متحدہ رہنما کہتے ہیں کہ احتجاجی تحریک کے ساتھ انتخابات میں جاہیں گے،مئیر اسی کا ہوگا جسکے پاس عوام کا مینڈیٹ ہوگا۔

 متحدہ نے حلقہ بندیوں اور ترمیمی بل کو متنازعہ قرار دیتے ہوئے احتجاجی تحریک چلانےکا اعلان کر دیا پہلے مرحلے میں کراچی ،حیدر آباد اور سکھر میں جسکے بعد احتجاجی دائرے کو وسیع جبکہ عدلیہ میں بھی قانون کو چیلنج کیا گیا ہے۔

 اتوار کو سندھ اسمبلی اور ہائیکورٹ کے سامنے بل کےخلاف متحدہ عوامی طاقت کا مظاہرہ کرے گی احتجاج میں اپوزیشن جماعتوں کو بھی دعوت دے دی گئی۔

 متحدہ کے رہنما کہتے ہیں کہ بلدیاتی قانون فرسودہ اور ناکارہ قانون ہے، حکومت میں شامل ہونے کی باتیں کرنے والے سیاسی اسٹروک کھیل رہے ہیں، فیصل سبزواری کہتے ہیں کہ جیالا مئیر دیکھنے والے یاد رکھیں کہ ماضی میں متحدہ نے جب بائیکاٹ کیاتھا تب بھی پیپلز پارٹی کراچی سے نہیں جیت سکی تھی۔

ایم کیو ایم اراکین اسمبلی اور رابطہ کمیٹی نے اتوار کو ہونے والے احتجاجی مظاہرے کے انتظامات کا بھی جائزہ لیا، متحدہ کا کہنا ہے کہ متنازعہ قانون بنا کر سندھ کے حقوق کے دعوی داروں کو سندھ کی تقسیم نظر نہیں آتی ۔

Comments

comments

یہ بھی پڑھیں