site
stats
اہم ترین

ایم کیو ایم کی فوج کیخلاف ہرزہ سرائی ناقابل برداشت ہے، چوہدری نثار

اسلام آباد : وفاقی وزیر داخلہ چودھری نثار علی خان نے کہا ہے کہ فوج اور رینجرز کے خلاف ایم کیو ایم کے رہنماؤں کی ہرزہ سرائی ناقابل برداشت حدود کو چھو رہی ہے۔

رینجرز اورپاک فوج کے حوالے سے ایم کیو ایم کے رہنماؤں کے بیانات کا نوٹس لیتےہوئے وزیر داخلہ چودھری نثار علی خان نے کہا کہ دنیا کے کسی ملک میں اپنی فوج کیخلاف اس قسم کی زبا ن کی اجازت نہیں ہے۔

وزیر داخلہ نے کہا کہ یہ وہ ہی فوج ہے جس کی ایم کیو ایم تعریفیں کرتی تھی اور یہ وہی فوج ہے جس کے ساتھ ایم کیو ایم نو سال شریک اقتدار رہی ۔

وزیر داخلہ نے کہا کہ یہ کیسی منطق ہے کہ ایک دن فوج کے حق میں اور دوسرے دن فوج کیخلاف قابل مذمت زبان استعمال کی جائے، انہوں نے کہا کہ اگر ایم کیو ایم کا مؤقف صحیح ہے تو وہ آزاد عدلیہ سے رجوع کرے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top