ایم کیو ایم کے چار رہنماوٗں کے نام ای سی ایل میں ڈال دئیے -
The news is by your side.

Advertisement

ایم کیو ایم کے چار رہنماوٗں کے نام ای سی ایل میں ڈال دئیے

کراچی : ٹارگٹ کلنگ میں ملوث مجرم صولت مرزا کے اعترافی بیان کی ویڈیو کے تناظر میں متحدہ قومی موومنٹ کے چار رہنماؤں کے نام ایگزٹ کنٹرول لسٹ میں ڈال دئیے گئے ہیں۔

تفصیلات کے مطابق ایم کیوایم کے حیدرعباس رضوی، بابرغوری، قمر منصور اور رؤف صدیقی کے نام ای سی ایل میں شامل کیے گئے ہیں۔

ذرائع کا کہنا ہے کہ صولت مرزا نے جو اعترافی ویڈیو بیان جاری کیا ہے اس کا کل دورانیہ 16 منٹ کا ہے جبکہ اب تک صرف چھ منٹ کی ویڈیو نشر کی گئی ہے اور بقیہ ویڈٰیو میں مزید انکشافات کا امکان ہے۔

صولت مرزا نے حکومت سے اپیل کی تھی کہ اس کی سزا اس وقت تک ملتوی کی جائے جب تک وہ مزید انکشافات نہیں کردیتا۔

پاکستان کی تاریخ میں یہ پہلا واقعہ ہے کہ جب کسی سزائے موت کے قیدی کی پھانسی سے چند گھنٹوں قبل اس طرح کی ویڈیو جاری ہوئی ہو اور اس  کے ردعمل میں سزا کو ملتوی کیا گیا ہو۔

ذرائع کا کہنا ہے کہ صولت مرزا کے بیان کی روشنی میں ایم کیو ایم کے مزید رہنماؤں کے نام ای سی ایل میں ڈالے جاسکتے ہیں جن میں ممکنہ طور پر واسع جلیل ، فیصل سبزواری،عبدالرشید گوڈٰیل اورطاہر مشہدی شامل ہیں۔

Comments

comments

یہ بھی پڑھیں