ایم کیو ایم کے کارکن وقاص علی کی نمازِ جنازہ بعد نمازِ ظہر ہوگی -
The news is by your side.

Advertisement

ایم کیو ایم کے کارکن وقاص علی کی نمازِ جنازہ بعد نمازِ ظہر ہوگی

کراچی: نائن زیرو پر چھاپے کے دوران فائرنگ سے جاں بحق ایم کیو ایم کے کارکن وقاص علی کی نماز جنازہ بعد نماز ظہر ہوگی، چھاپے میں گرفتار ملزمان کی آج عدالت میں پیش کاامکان ہے۔

گزشتہ روز نائن زیرو پر رینجرز کے چھاپے کے دوران گولی لگنے سے جاں بحق ایم کیو ایم کے جواں سال کارکن وقاص علی شاہ کی نماز جنازہ آج ادا کی جائے گی، رینجرز چھاپے کے بعد علاقے میں مظاہرین کو منتشر کرنے کیلئے اہلکاروں کی جانب سے ہوائی فائرنگ کی گئی تھی، اس دوران نامعلوم سمت سے آنے والی گولی نے وقاص علی کی زندگی کا چراغ گُل کردیا تھا۔

نائن زیرو پر رینجرز کے چھاپے، کارکنوں کی گرفتاری اور ہلاکت کے بعد کراچی میں ہو کا عالم رہا ۔ تمام کاروباری مراکز بند اور ٹرانسپورٹ سڑکوں سے غائب رہی۔

الطاف حسین نے ایم کیوایم کے کارکنان وہمدرد عوام سے پرزور اپیل  کی ہے کہ وہ وقاص شہید کی نمازجنازہ اور تدفین میں زیادہ سے زیادہ تعداد میں شرکت کرکے اپنے لئے ثواب دارین حاصل کریں اور شہید کی روح کی تسکین کا باعث بھی بنیں۔

رات گئے ایم کیو ایم کے وفد نے کراچی آپریشن کے کپتان وزیرِاعلیٰ سندھ سے ملاقات کی اور بے گناہ کارکنوں کی رہائی اور وقاص علی کے قتل کی تحقیقات کا مطالبہ کیا تھا۔

Comments

comments

یہ بھی پڑھیں