ایم کیو ایم کے کارکن کی نماز جنازہ، رہنماؤں کی شرکت -
The news is by your side.

Advertisement

ایم کیو ایم کے کارکن کی نماز جنازہ، رہنماؤں کی شرکت

کراچی : اورنگی ٹاؤن میں فائرنگ کا نشانہ بننے والے ایم کیو ایم کے کارکن دانش کلیم کی نماز جنازہ اورنگی ٹاون چشتی نگر میں ادا کر دی گئی ۔

رابطہ کمیٹی کا کہنا ہے کہ اورنگی ٹاون میں مسلسل ایم کیو ایم کے کارکنان کو چن چن کر ٹارگٹ کیا جارہا ہے۔ نماز جنازہ میں اراکین رابطہ کمیٹی،اراکین قومی و صوبائی اسمبلی اور کارکنان کی بڑی تعداد نے شرکت کی ۔

عباسی شہید اسپتال کا ملازم اور میڈیکل ایڈ کمیٹی کے کا رکن دانش کلیم کو گذشتہ روز دہشت گردو ں نے فائرنگ کرکے قتل کردیا تھا۔

نماز جنازہ کے موقع پر علاقے میں کاروباری سرگرمیاں اورٹریفک معطل جبکہ پولیس اور رینجرز کی بھاری نفری کی موجودگی میں نماز جنازہ ادا کی گئی ۔

اس موقع پر اراکین رابطی کمیٹی کا کہنا تھا کہ اورنگی ٹاؤن کالعدم تنظیم کے دہشت گردوں کا گڑھ بن چکا ہے جبکہ قانون نافذ کرنے والے ادارے کارکنان کے قتل میں ملوث کسی بھی دہشت گرد کو گرفتار نہیں کرسکے ہیں۔

اس موقع پر ایم کیو ایم کے مرکزی رہنما قمر منصور نے شرکاء سے خطاب کرتے ہوئے کہا کہ آخر کب تک ہم اپنے پیاروں کی نعشیں اُٹھاتے رہیں گے۔

انہوں نے آرمی چیف جنرل راحیل شریف، وزیر اعظم میں نواز شریف اور دیگر اعلیٰ حکام سے اپیل کی کہ کارکنان کے قتل میں ملوث ملزمان کو گرفتار کیا جائے۔

Comments

comments

یہ بھی پڑھیں