کراچی : انسدادِ دہشتگردی کی عدالت نے جبراًبھتہ وصولی کے الزام میں گرفتار ایم کیوایم کے نو کارکنوں کو نوے روزہ ریمانڈ پر رینجرز کے حوالے کردیا۔
تفصیلات کے مطابق جبراً بھتہ وصولی کے الزام میں گرفتار ایم کیوایم کے نو کارکنوں کو نوے روزہ ریمانڈ پر رینجرز کے حوالے کردیا گیا ہے، رینجرز نے ملزمان کو سخت سکیورٹی میں انسداد دہشتگردی کی عدالت میں پیش کیا۔
ملزمان کوعدالت لانے کیلئے رینجرز کا بڑا ٹرک استعمال کیا گیا جبکہ تمام ملزمان کی آنکھوں میں سیاہ پٹیاں بھی باندھی گئیں۔
سیکیورٹی حکام نے عدالت سے ملزمان کے نوے روز کی ریمانڈ کی استدعا کی تھی، جسے منظور کر لیا گیا، ترجمان رینجرز کا کہنا ہے کہ عوام فطرے کے نام پر بھتہ لینے والوں سے تنگ آچکے ہیں، کسی کو فطرے کے نام پر بھتہ نہیں لینے دیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں