The news is by your side.

Advertisement

این اے 122کیس: عمران خان کی درخواست پر فیصلہ محفوظ

لاہور: الیکشن ٹربیونل نے قومی اسمبلی کے حلقہ این اے 122 کے ووٹوں کی نادرا کے ذریعے تصدیق کے لئے عمران خان کی درخواست پر فیصلہ محفوظ کر لیا ہے۔

الیکشن ٹربیونل کے جج کاظم علی ملک نے کیس کی سماعت کی، عمران خان کے وکیل انیس ہاشمی نے کہا کہ لوکل کمیشن کی رپورٹ میں انتخابی بے ضابطگیاں سامنے آئی ہیں، جنہیں کسی صورت نظر انداز نہیں کیا جا سکتا۔ انتخابات میں ہونے والے دھاندلی کو منظر عام پر لانے کے لئے نادرا سے ووٹوں کی تصدیق کا حکم دیا جائے۔

اسپیکر قومی اسمبلی کے وکیل اسجد سعید نے کہا کہ لوکل کمیشن کی رپورٹ کے مطابق اس حلقے میں دھاندلی نہیں، انتظامی کوتاہیاں ہوئی ہیں، جو دھاندلی کے زمرے میں نہیں آتیں، درخواست منظور ہو بھی گئی تو عوام کو اس کا کوئی فائدہ نہیں ہوگا، کیس میں وقت ذائع کیا جارہا ہے

انہوں نے کہا کہ لوکل کمیشن کی رپورٹ کے بعد مزید کسی تصدیق کی ضرورت باقی نہیں ہے لہذا عمران خان کی درخواست کو مسترد کیا جائے۔ جس پر ٹربیونل نے عمران خان کی درخواست پر فیصلہ محفوظ کرلیا۔

ٹربیونل کی جانب سے عمران خان کی اس درخواست پر چار مارچ کو فیصلہ سنایا جائے گا۔

Print Friendly, PDF & Email

Comments

comments

یہ بھی پڑھیں