site
stats
پاکستان

این اے 122: دورنگ کے بیلٹ پیپرز ملنے پر کارکنان کی نعرے بازی

لاہور: این اے ایک سو بائیس میں دو رنگ کے بیلٹ پیپرز ملے،ٹریبونل کے جج نے کہا ہے کہ وہ خودمعاملے کا جائزہ لیں گے،چاہے تھیلے دوربارہ کھلوانے پڑیں۔

الیکشن ٹریبونل کے باہر دونوں پارٹیوں کےکارکنان کے درمیان نعرے بازی اور سخت جملوں کا تبادلہ بھی ہوا۔

تفصیلات کے مطابق الیکشن ٹریبونل میں حلقہ این اے ایک سو بائیس میں مبینہ دھاندلی کیس کی سماعت ہوئی۔ سماعت میں لوکل کمیشن غلام حسین اعوان کے بیان پر وکلا نے جرح مکمل کی ۔

جس کے بعد ریمارکس دیتے ہوئے ٹریبونل کے جج کاکہنا تھاکہ حلقے میں دو رنگ کے بیلٹ پیپرز ملے ہیں جو ایک حساس معاملہ ہے، وہ خود اس کا جائزہ لیں گے، چاہے تھیلے دوربارہ کھلوانے پڑیں۔

سماعت کے بعد میڈیا سے گفتگو میں ایاز صادق کے وکیل کا کہنا تھا کہ دو رنگ کے بیلٹ پیپرز سے متعلق عمران خان کے وکلاء نے کمیشن کے سامنے کوئی اعتراض نہیں کیا۔

الیکشن ٹریبونل میں سماعت کے دوران مسلم لیگ نون اور تحریک انصاف کے کارکنان میں سخت جملوں اور نعروں کا تبادلہ بھی ہوا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top