The news is by your side.

Advertisement

این اے 125،ووٹوں کی گنتی کاطریقہ، الیکشن ٹربیونل میں چیلنج

لاہور: وزیرِ ریلوے خواجہ سعد رفیق نے این اے 125میں ووٹوں کی گنتی کے طریقۂ کار کوالیکشن ٹربیونل میں چیلنج کر دیا ہے۔

الیکشن ٹربیونل نے استدعا منظور کرتے ہوئے ریٹرننگ افسر کو ووٹوں کی گنتی کا ریکارڈ یکجا کرکے جاری کرنے کی ہدایت کردی ہے، جسٹس کاظم علی ملک پر مشتمل لاہور کے الیکشن ٹربیونل نے درخواست کی سماعت کی۔

عدالتی سماعت کے موقع پر خواجہ سعد رفیق کے وکیل نے مؤقف اختیار کیا کہ قومی اسمبلی کے حلقہ این اے 125کے ووٹوں کی گنتی کے لئے مناسب طریقہ اختیار نہیں کیا جا رہا ہے، انہوں نے کہا کہ انکوائری افسر گنتی کے لئے تمام تھیلے اکٹھے منگوانے کی بجائے دس پندرہ تھیلے منگوا رہے ہیں اور ساتھ ساتھ رزلٹ جاری کر رہے ہیں جس سے ابہام پیدا ہو رہا ہے۔

ناکام امیدوار حامد خان نے کہا کہ گنتی کا موجودہ طریقہ کار شفافیت کے لئے موثر ہے، لہذا درخواست مسترد کی جائے، تاہم الیکشن ٹربیونل نے خواجہ سعد رفیق کی متفرق درخواست منظور کرتے ہوئے ریٹرننگ افسر کو ووٹوں کی گنتی کا ریکارڈ یکجا کر کے جاری کرنے کی ہدایت کر دی ہے۔ ٹربیونل نے کیس کی مزید سماعت بیس ستمبر تک ملتوی کر دی ہے۔

Print Friendly, PDF & Email

Comments

comments

یہ بھی پڑھیں