اتوار, فروری 9, 2025
اشتہار

این اے 125: انتخابی دھاندلی کے خلاف دائر درخواست پر فیصلہ محفوظ

اشتہار

حیرت انگیز

لاہور: الیکشن ٹربیونل نے قومی اسمبلی کے حلقہ این اے 125 میں انتخابی دھاندلی کے خلاف دائر درخواست پر فیصلہ محفوظ کر لیا، ٹربیونل 8 اپریل کو فیصلہ سنائے گا۔

الیکشن ٹربیونل کے جج جاوید رشید محبوبی نے کیس کی سماعت کی، تحریک انصاف کےحامد خان کے وکلاء نے دلائل دیتے ہوئے کہا کہ حلقے میں بڑے پیمانے پر انتخابی دھاندلی کی گئی اور خواجہ سعد رفیق دھاندلی کے ذریعے انتخابات جیتے۔

انہوں نے کہا کہ انگوٹھوں کے نشانات کے ذریعے ووٹوں کی مکمل تصدیق کرائی جاتی تو دھاندلی کے تمام ثبوت منظر عام پر آسکتے تھے۔

انہوں نے ٹربیونل سے استدعا کی کہ شواہد اور گواہوں کے بیانات کی روشنی میں خواجہ سعد رفیق کے انتخابت کو کالعدم قرار دیا جائے۔ خواجہ سعد رفیق کے وکیل نےدلائل دیتے ہوئے کہا کہ انتخابی عملے کی بد انتظامی کو دھاندلی قرار نہیں دیا جا سکتا۔

لوکل کمیشن کی رپورٹ میں بھی انتخابی دھاندلی کے ثبوت منظرعام پر نہیں لائے گئے، ٹریبونل نے فریقین کے دلائل سننے کے بعد فیصلہ محفوظ کر لیا، جو 8 اپریل کو سنایا جائے گا۔

اہم ترین

مزید خبریں