ایوی ایشن ڈویژن میں بڑے پیمانے پرافسران کے تبادلوں کا فیصلہ کیا گیا ہے، سیکریٹری محمد علی گردیزی کوتین عہدے رکھنے پر تبدیل کرنے کا فیصلہ کیا گیا ہے، محمد علی گردیزی سمیت ایڈیشنل سیکریٹری ایوی ایشن امجد علی اور دیگر افسران کو بھی تبدیل کیا جائے گا۔
ذرائع کے مطابق ایڈیشنل سیکریٹری وزارت داخلہ حامد خان کو چند روز قبل ہی گریڈ بائیس میں ترقی دی گئی ہے، انہیں سیکریٹری ایوی ایشن تعینات کرنے کا اصولی فیصلہ کرلیا گیا ہے وزیراعظم کی ہدایت پراسٹیبلشمنٹ ڈویژن نے سمری تیارکرکے وزیراعظم ہاؤس بھجوادی ہے۔
وزیراعظم کی وطن واپسی کے بعد ایوی ایشن ڈویژن کے نئے افسران کا نوٹی فکیشن جاری کردیا جائے گا، ذرائع کے مطابق ایوی ایشن ڈویژن کی ناقص کارکردگی کی وجہ سے بڑے پیمانے پر اکھاڑ پچھاڑ کا فیصلہ کیا گیا ہے ۔
