The news is by your side.

Advertisement

ایپکس کمیٹی میں آپریشن مزید تیز کرنے سمیت اہم فیصلے کئے گئے، عاصم سلیم باجوہ

کراچی : ڈی جی آئی ایس پی آر عاصم سلیم باجوہ کا کہنا ہے کہ ایپکس کمیٹی میں آپریشن مزید تیز کرنے سمیت اہم فیصلے کئے گئے ہیں، انٹیلیجنس آپریشن پرتفصیلی غور کیا گیا جبکہ ایپکس کمیٹی کا اجلاس ہفتہ وار کرنے کا بھی فیصلہ کیا گیا ہے۔

آرمی چیف جنرل راحیل شریف کی زیرصدارت کراچی کورہیڈ کوارٹرز میں ایپکس کمیٹی کے خصوصی اجلاس میں سندھ کے بڑے شہروں کے داخلی و خارجی راستوں پر پولیس اور رینجرز چوکیاں قائم کرنے کا فیصلہ کرلیا گیا۔

کراچی میں کور ہیڈ کوارٹرز میں آرمی چیف جنرل راحیل شریف کی زیر صدارت اجلاس میں دہشتگردی سے نمٹنے اور نیشنل ایکشن پلان پر موثر عمل در آمد پر زور دیا گیا ، ذرائع مطابق اجلاس میں رینجرز اور قانون نافذ کرنے والے اداروں کے مابین مربوط ہم آہنگی یقینی بنانے کی ہدایت کی گئی ۔

 ذرائع کا کہنا ہے کہ اجلاس میں قانون نافذ کرنے والے اداروں کو بلا امتیاز کارروائیاں جاری رکھنےکا حکم دیا گیا ہے۔

اجلاس میں وزیر اعلیٰ سندھ سید قائم علی شاہ،گورنر سندھ،ڈی جی آئی ایس آئی ،پولیس رینجرز اور انٹیلی جنس اداروں کے نمائندے شریک ہوئے۔

Comments

comments

یہ بھی پڑھیں