The news is by your side.

Advertisement

ایڈیشنل آئی جی کراچی غلام قادر تھیبو کا سندھ حکومت کو خط

کراچی : ایڈیشنل آئی جی کراچی غلام قادر تھیبو نے کراچی کے ہر ڈسٹرکٹ میں جلسے جلوس اور اجتماعات کیلئے مقامات مختص کرنے کیلئے سندھ حکومت کو خط لکھ دیا ۔

جس میں ایڈیشنل آئی جی کراچی نے مؤقف اختیار کیا ہے کہ مذہبی اور سیاسی جماعتوں کے احتجاجی اور دیگر حوالوں سے ہونیوالی ریلیوں اور جلسے جلوسوں کے باعث عوام کے جان و مال کو لاحق خطرات مزید بڑھ جاتے ہیں۔

لہذا کراچی کے ہر ڈسٹرکٹ میں جلسے جلوسوں اور اجتماعات کیلئے مقامات مختص کئے جائیں۔

اس سلسلے میں ایڈیشنل آئی جی کراچی نے خط میں تجاویز دیتے ہوئے کہا ہے کہ ڈسٹرکٹ ایسٹ کے لئے جناح گراونڈ، ڈسٹرکٹ ملی کیلئے اسٹارگراونڈ، ڈسٹرکٹ سینٹرل کیلئے انو بھائی پارک، ڈسٹرکٹ ساؤتھ کیلئے جہانگیر پارک جبکہ ڈسٹرکٹ سٹی کیلئے کے ایم سی گراونڈ کو عوامی اجتماعات کیلئے مختص کیا جائے۔

ترجمان سندھ پولیس کے مطابق حکومت سندھ کو خط لکھنے کے حوالے سے ایڈیشنل آئی جی کراچی نے تمام زونل ڈی آئی جیز اور ایس ایس پیز سے مشاورت کے بعد آئی جی سندھ غلام حیدر جمالی کے توسط سے خط کو متعلقہ حکام کو خط ارسال کردیا ہے۔

Print Friendly, PDF & Email

Comments

comments

یہ بھی پڑھیں