The news is by your side.

Advertisement

ایک شام سینئرصحافی اطہرجاوید صوفی کے نام

کراچی (رپورٹ 0 م ش خ ) گذشتہ دنوں سینئر صحافی اطہر جاوید صوفی کی 40سالہ خدمات پر آرٹس کونسل آف پاکستان نے ایک تقریب ”اعتراف کمال “ کے نام سے آرٹس کونسل میں منعقد کی، تقریب کا آغاز تلاوت قرآن پاک سے کیا گیا۔

اس موقع پر سابق صوبائی وزیر اور صحافی شخصیت دوست محمد فیضی نے خطاب کرتے ہوئے کہا کہ آج میڈیا کا دور ہے ہم صحافیوں کو نظر انداز نہیں کرسکتے۔

اطہر جاوید صوفی بہت معتبر نام ہے اور ایک عرصے سے پاکستان کی شوبز نس کی سب سے بڑی تنظیم کے صدر اور سیکریٹری جنرل کے علاوہ اب بحیثیت چیئرمین کے خدمات انجام دے رہے ہیں۔

اس مو قع پر شائقین نے تالیوں سے اطہر جاوید صوفی کی خدمات کو سراہا، نیز فلم اسٹار مصطفےقریشی نے کہا ہم صحافیوں سے اچھے کام کی توقع رکھتے ہیں مگر ان کے معاشی حالات کی طرف توجہ نہیں دیتے ۔

انہوں نے حکومت پاکستان سے مطالبہ کیا کہ اطہر جاوید صوفی کو ان کی خدمات پر صدارتی ایوارڈ سے نوازا جائے، سینئر صحافی محمود شام نے خطاب کرتے ہوئے کہا کہ اطہر جاوید نے جو کام کیا ہے صحافت کے میدان میں وہ نئے آنے والوں کیلئے مشعل راہ ہے۔

 اسیکنڈل سے پاک صحافی نذیر لغاری نے کہا کہ یہ اپنے شعبے کے شیدائی ہیں ان کے لکھنے کا اپنا ایک انداز ہے جوا نہیں دوسروں صحافیوں سے ممتاز بھی کرتا ہے۔

آرٹس کونسل کے سیکریٹری محمد احمد شاہ نے کہا کہ ہم اعتراف کمال کا یہ سلسلہ جاری رکھیں گے، اور دوسرے صحافیوں کیلئے بھی اس طرح کی تقریبات منعقد کرتے رہیں گے۔

ماضی کی اداکارہ نیلو فلرعباسی نے خطاب کرتے ہوئے کہا کہ اطہر جاوید صوفی جیسے لوگوں نے صحافت کو اعلیٰ مقام دیا ہے۔

بعد ازاں جن مقررین نے خطاب کیا ان میں اقبال لطیف، نواب حسن صدیقی، مقصود یوسفی، سعید رضوی، اخلاق احمد، پرویز مظہر، قیصر مقصود جعفری ، سعادت جعفری آرٹس کونسل کے صدرپروفیسراعجازفاروقی، شہناز صدیقی، اداکارہ سلومی، ادکار گلاب چانڈیو کے علاوہ پاکستان فلم اینڈ ٹی وی جرنلٹس ایسو سی ایشن کے صدر وسیع قریشی قابل ذکر ہیں۔

لاہور سے زیبا بیگم نے ٹیلی فونک خطاب کرتے ہوئے کہا کہ صحافت کے میدان میں اطہر جاوید صوفی کی خدمات کو سنہری الفاظ میں لکھا جائیگا، کیونکہ ان کی صحافت کے حوالے سے طویل خدمات ہیں۔

ا طہر جاوید صوفی نے خطاب کرتے ہوئے کہا میرے شعبے سے وابستہ جن صحافیوں نے میرے اعزاز میں کہا میں ان کا تہہ دل سے مشکور ہوں میں آپ سب کی محبتوں کا مقروض ہوں اور میں یہ قرض کبھی نہیں اتار سکتا ۔

انہوں نے کہا کہ میں نے ہمیشہ پاکیزہ صحافت کیلئے قلم اٹھا یا اس موقع پر آرٹس کونسل کی جانب سے اطہر جاوید صوفی کو یادگاری شیلڈ بھی پیش کی گئی جبکہ آرٹس کونسل کے سابق نائب صدر محمد احمد خان، گلو کار افراہیم، امجد رانا، ساحرہ ارشد، راشد لطیف، ڈیڈایچ خرم۔، جی ایم خاصخیلی ، مصطفی ملاح، الطاف عمرانی، بابو فوٹو گرافر صحافی مسعوجاوید اور م ش خ نے پھولوں کے تحائف اور شیلد پیش کی۔

اس موقع پر واثق نعیم کی جانب سے اطہر جاوید صوفی اور ان کی اہلیہ کیلئے عمرے کا ٹکٹ دینے کا اعلان بھی کیا گیا، اس موقع پر معروف صحافی قمر علی عباسی مرحوم کی اہلیہ نیلو فرعباسی نے م ش خ کے ایک سوال کا جواب دیتے ہوئے کہا کہ وہ آر وائی کی ویب کا اکثر مطالعہ کرتی ہیں۔

جس سے کافی معلومات میں اضافہ ہوتا ہے جبکہ گلوکار افراہیم نے کہا کہ اے آر وائی نیوز اور اس کے ویب کے علاوہ انٹرٹیمنٹ کے پروگرام باقاعدگی سے دیکھتا ہوں جو اپنی مثال آپ ہیں، ادارکارہ سلومی نے اس موقع پر ویب کے حوالے سے بتایا کہ اے آر وائی کی ویب سائٹ کمال کی ہے۔

میری طرف سے ویب کو اتنا خوبصورت بنانے پر ویب کے اراکین کو بہت بہت مبارکباد دیں کہ واقعی اے آر وائی کی مثال نہیں ملتی۔

آرٹس کونسل آف پاکستان اسٹیج شو کمیٹی کے چیئرمین سعادت جعفری نے ا ےآر وائی ویب کے حوالے سے کہا کہ ویب تو واقعی اپنی مثال آپ ہے میں فرصت کے اوقات میں ویب کا مطالعہ ضرور کرتا ہوں۔

تقریب کے کمپیر آغا شیرازی نے بھی اس موقع پر اے آر وائی ویب کو بہت سراہا کہ اس میں آپ کو شوبز نس کھیل سیاست غرض ہر قسم کی خبریں مل جاتی ہیں۔

Print Friendly, PDF & Email

Comments

comments

یہ بھی پڑھیں