site
stats
بلوچستان

اےآروائی نیوزکے شہید صحافی ارشاد مستوئی آہوں اورسسکیوں کے ساتھ دفن

کوئٹہ/جیکب آباد: اےآروائی نیوزکے اسائنمنٹ ایڈیٹر ارشاد مستوئی کی نماز ِ جنازہ ادا کردی گئی جس کے بعد ان کے جسدِ خاکی کو آبائی علاقے جیکب آباد میں سپرد خاک کردیا گیا ۔

گزشتہ روزسفاک قاتلوں کی فائرنگ سے شہید ہوجانے والے اے آروائی نیوز کے اسائنمنٹ ایڈیٹر ارشاد مستوئی کو آہوں اور سسکیوں کے ساتھ جیکب آبادکے نمائش گراونڈ قبرستان میں سپرد خاک کردیا گیا ۔ ارشاد مستوئی کا جسد خاکی ان کے آبائی علاقے میں پہنچا تو ہر آنکھ اشکبار اور ہر شخص غمگین تھا۔ ارشاد مستوئی کے بڑے بھائی کا کہنا تھا چھوٹا بھائی شہادت کا جام پی کر مجھے پیچھے چھوڑ گیا۔

ارشاد مستوئی کے ہمراہ ان کے دو ساتھی بھی فائرنگ کی زد میں آکر موقع پر شہید ہوگئے تھے جن میں سے ایک آن لائن نیوز ایجنسی کا رپورٹر تھا جبکہ دوسرا اکاؤنٹنٹ تھا۔

ارشاد مستوئی پر قاتلانہ حملہ اس وقت کیا گیا جب وہ جناح روڈ کوئٹہ پر کبیر والا بلڈنگ میں واقع آن لائن نیوز ایجنسی کےدفتر سے باہر آرہے تھے۔

ارشاد مستوئی اے آرو ائی نیوز سے اسائنمٹ ایڈیٹر کی حیثیت سے وابستہ تھے اور آپ بلوچستان یونین آف جنرلسٹ کے جنرل سیکرٹری بھی تھے۔ ان کی دردناک شہادت پر صحافی تنظیموں کی جانب سے ملک کے مختلف شہروں احتجاجی مظاہرے کئے گئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top