اے آروائی نیوزکےاسائنمنٹ ایڈیٹرقاتلانہ حملے میں شہید -
The news is by your side.

Advertisement

اے آروائی نیوزکےاسائنمنٹ ایڈیٹرقاتلانہ حملے میں شہید

کوئٹہ: نامعلوم افراد کی فائرنگ سے اے آر وائی نیوز کے اسائنمنٹ ایڈیٹر سمیت دو افرادجاں بحق ہوگئے۔

تفصیلات کے مطابق کوئٹہ کے علاقے جناح روڈ پر واقع کبیر والا بلڈنگ میں فائرنگ کا واقعہ پیش آیا ، فائرنگ نامعلوم افراد کی جانب سے کی گئی جس کے نتیجے میں اے آر وائی نیوز کے اسائنمنٹ ایڈیٹر ارشاد مستوئی شدید زخمی ہوگئے اور ایک شخص جاں بحق ہوگیا۔

ارشاد مستوئی کو شدید زخمی حالت میں اسپتال منتقل کیا گیا جہاں ڈاکٹرز کی سرتوڑ کوشش کے باوجود جانبر نہ ہوسکے اور شہید ہوگئے۔

ارشاد مستوئی بلوچستان یونین آف جنرلسٹ کے جنرل سیکریٹری بھی ہیں ، ان پر ہونے والے اس افسوسناک حملے پر پی ایف یو جے، بی یو جے سمیت دیگر صحافتی تنظیموں نے اظہار ِ مذمت کی اور اسے آزادی ِ صحافت پر حملہ قرار دیا۔

متحدہ قومی مومنٹ کے قائد الطاف حسین اور جماعت اسلامی کے امیر سراج الحق نے واقعے کی شدید مذمت کی ہے۔

Comments

comments

یہ بھی پڑھیں