اے آر وائی فلمز کی کاوش،3بہادر کا ٹریلر ریلیز -
The news is by your side.

Advertisement

اے آر وائی فلمز کی کاوش،3بہادر کا ٹریلر ریلیز

کراچی: اےآر وائی فلمز کی ایک اور کاوش، پاکستان کی پہلی اینیمیٹڈ فیچر فلم تین بہادر کا ٹریلر جاری کردیا گیا۔

وادی اینیمیشن کی پیشکش فلم تین بہادر کا ٹریلر جاری کردیا گیا،تین بہادر پاکستان کی پہلی اینیمیٹڈ فیچر فلم ہے ۔

یہ فلم اے آر وائی فلمز کی جانب سے بائیس مئی سے ملک کے تمام سینما گھروں میں نمائش کیلئے پیش کی جائے گی۔

اس مووی کی سب سے اہم بات یہ ہے کہ اس کے کردار ، اور مناظر بچوں کے اپنے ماحول سے متعلق ہیں اور وہ بچے جو اب تک غیر ملکی اینیمیٹڈ فلمیں دیکھتے تھے انہیں ’تین بہادر‘ میں اپنے ماحول سے متعلق بہت کچھ دیکھنے کو ملے گا۔

اس فلم کی کہانی تین بچوں( آمنہ، سعدی اور کامل) کے گرد گھومتی ہے جو کہ اپنے گاؤں کو بچانے کے لئے ایک لمبے اور پر خطر سفرپرنکلے ہیں۔ دیکھنا یہ ہے کہ آیا یہ بچے برائی کو شکست دے کر اپنے گاؤں کا امن بحال کرنے میں کامیاب ہو پائیں گے۔

Comments

comments

یہ بھی پڑھیں