The news is by your side.

Advertisement

اے آر وائی نیوز کی سینئر قیادت آج لاھور ہائی کورٹ میں پیش ہو گی

لاھور/اسلام آباد: اے آر وائی نیوز کے سی ای او سلمان اقبال، کھرا سچ پروگرام کے اینکر مبشر لقمان اور پروڈیوسر راواویس آج لاھور ہائی کورٹ میں پیش ہو نگے۔ ذرایع کے مطابق سلمان اقبال کی زندگی کو شدید خطرات لاحق ہے اس کے باوجود وہ عدالت کے طلب کر نے پر احتراماََ پیش ہو نگے۔

خبروں کے مطابق گزشتہ روز متنازعہ چیئرمین پیمرا پرویز راٹھورکی جانب سے ایک اور متنازعہ فیصلہ کیا گیا جبکہ پیمراکے بیشتر اراکین نے اے آر وائی نیوز کے لائسنس کو پندرہ روز کے لئے معطل کر نے کے فیصلے کی مخالفت کی تھی۔

دوسری جانب رکن پیمرا میاں شمس نے کہا ہے کہ مزکورہ فیصلے کے خلاف اختلافی نوٹ تحریری طورپرجمع کرائیں گے۔

واضح رہے کہ گزشتہ روز پیمرا نے اے آر وائی نیوز کو صفائی کا موقع فراہم کئے بغیر ہی لائسنس پندرہ روز کے لئے معطل کرنے احکامات جاری کردئیے۔

اے آر وائی نیوز کے لائسنس کی معطلی کے حکم کے بعد قانونی حلقوں نے شدید تحفظات کا اظہار کیا جبکہ اے آر وائی کی جبری بندش پر ملک بھر کے صحافی تنظمیں سراپا احتجاج ہو گئیں۔ ادھر آل پاکستان کرائم رپورٹرز ایسوسی ایشن کی جانب سے بھی اے آر وائی نیوز کی جبری بندش کی شدید مزمت کی گئی۔ اسی طرح ملک کی مختلف تاجر، طلبا اور مزدور تنظیموں کی جانب سے اے آر وائی نیوز کی بندش کے خلاف مظاہروں کا اعلان کردیا ہے۔

پیمرا کے فیصلے کے بعد رات گئے ملک کے مختلف شہروں میں اے آر وائی نیوز کی نشریات بند ہونا شروع ہو گئیں۔

Print Friendly, PDF & Email

Comments

comments

یہ بھی پڑھیں