site
stats
بلوچستان

اے این پی رہنماء ارباب عبدالظاہر کاسی تاحال بازیاب نہ ہوسکے

حکومت اور اپوزیشن میں شامل سیاسی جماعتوں کی کوششوں کے باوجود اے این پی رہنماء ارباب عبدالظاہر کاسی پچھہتر روز گزرنے کے باوجود تاحال بازیاب نہ ہوسکے۔

ارباب عبدالظاہر کاسی کے خاندانی ذرائع کے مطابق اغواء کاروں نے ایک ارب روپے تاوان طلب کیا ہے، کاسی قبیلے نے ارباب عبدالظاہر کاسی کی بازیابی اور تحفظ کو حکومت اور انتظامیہ کی ذمہ داری قرار دیتے ہوئے تاوان کی رقم دینے سے انکار کردیا ہے۔

دوسری جانب اے این پی رہنماء کی بازیابی کے لئے بلوچستان کی حکمران اور اپوزیشن جماعتوں نے مشترکہ طور پر کوششیں اور مختلف پلیٹ فارمز پر احتجاج کرنے کا اعلان کیا ہے۔

نوابزادہ عمر فاروق کاسی کی جانب سے والد کی بازیابی کے لئے آئینی درخواست بھی بلوچستان ہائیکورٹ میں زیر سماعت ہے، تاہم یہ تمام کوششوں تاحال نتیجہ خیز ثابت نہیں ہوسکیں ہیں۔
   

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top