site
stats
پاکستان

بابا گورو نانک کے جنم دن کی تقریبات، سکھ یاتریوں کی آمد

لاہور: بابا گورو نانک کے جنم دن کی تقریبات میں شرکت کے لئے سکھ یاتریوں کی آمد جاری ہے، ملک اور بیرون ملک سے یاتریوں کی بڑی تعداد ننکانہ صاحب پہنچ گئی۔

سکھوں کے مذہبی پیشوا بابا گورو نانک کے پانچ سو چھیالیسویں جنم دن کی تین روزہ تقریبات میں شرکت کےلئے سکھ یاتری ننکانہ صاحب پہنچ رہے ہیں، گزشتہ روز بھارت سے سکھ یاتری دو ٹرینوں کے ذریعے واہگہ پہنچے تو اُن کا پرتپاک استقبال کیا گیا، سکھ یاتری پاکستان آنے پر نہ صرف خوش اور پر جوش دکھائی دے رہے ہیں،بلکہ سیکیورٹی کی صورتحال سے بھی مطمئن ہیں۔

واہگہ بارڈر پر حالیہ سانحے کے باوجود سکھ یاتریوں کوکسی پریشانی کا سامنا نہ کرنا پڑا، اس موقع پر سیکیورٹی کے سخت اقداما ت کئے گئے تھے، سکھ یاتری ننکانہ صاحب، حسن ابدال،ایمن آباد اور لاہور میں واقع اپنے مقدس مذہبی مقامات کی زیارت بھی کریں گے، جس کے بعد تیرہ نومبر سے واپس روانہ ہوں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top