site
stats
اہم ترین

باجوڑایجنسی:بم دھماکے میں 3خواتین،2بچے سمیت 6افراد جاں بحق

باجوڑایجنسی : قبائلی علاقے باجوڑ ایجنسی میں ذرائع کا کہنا ہے کہ ریموٹ کنٹرول بم دھماکے سے ایک اسکول وین کو نشانہ بنایا گیا، جس میں تین خواتین اساتذہ سمیت چھ افراد جان سے گئے۔

باجوڑ ایجینسی کا علاقہ سلارزئی سڑک کنارے نصب بم پھٹنے سے گونج اٹھا، سرکاری ذرائع کے مطابق واقعہ صبح ساڑھے اٹھ بجے پیش آیا ، جب دہشت گردوں نے باجوڑ ایجنسی میں خار کے علاقے سلارزئی میں اسکول وین پر حملہ کردیا اور اس وین کو ریموٹ کنٹرول کے ذریعے بارودی سرنگ لگا کر اڑا دیا۔

بم دھماکہ سے تین خواتین اساتذہ، دو بچے اور راہگیر لقمہ اجل بن گئے، ہلاک ہونیوالوں کو مقامی اسپتال منتقل کیا گیا، جس کے بعد انہیں ورثاء کے حوالے کردیا گیا۔

دھماکے کی وجہ سے علاقے میں خوف ہراس پھیل گیا، دھماکے کے بعد سیکیورٹی اور لیویز فورسز نے علاقے کو گھیرے میں لے کر تحقیقات شروع کردیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top