The news is by your side.

Advertisement

بادشاہت ختم کرکےحقیقی جمہوریت لائیں گے,عمران خان

سوات :عمران خان کا کہنا ہے کہ بادشاہت ختم کرکے ملک میں حقیقی جمہوریت لائیں گے، لوگ اپنے بچوں اورملک کےمستقبل کیلئے چودہ اگست کو باہر نکلیں۔ انصاف ملنے تک سٹرکوں  پر آنے کے سوا کوئی راستہ نہیں۔

 سوات مٹہ میں مائیکروہائیڈرل پاور اسٹیشن کے افتتاح کے موقع پر عمران کا کہنا تھا کہ خیبرپختونخوا اسمبلی سے متعلق چودہ اگست کواپنے لائحہ عمل کا اعلان کرونگا، اب حکومت کی جانب سے منانے کا وقت گزر چکا ہے، پنجاب حکومت پولیس کے ذریعے ہمارے کارکنان کی پکڑ دھکڑکررہی ہے، کارکنوں کی موٹرسائیکلیں ضبط کی جارہی ہیں۔

انہوں نےکہا کہ حکومت اپنے پاؤں پر خود کلہاڑی مار رہی ہے۔ پنجاب حکومت کومتنبہ کرتا ہوں کہ ہمارے کارکنان جذبات سے بھرے ہوئے ہیں۔ عمران نےکہا کہ کس قانون کےتحت انہیں نظر بند کیا جائےگا بتایا جائے، نوازشریف نے بھی لانگ مارچ کی ہےاور پر امن احتجاج پرکوئی بھی پابندی نہیں لگاسکتا۔

ان کا کہنا تھا کہ سستی بجلی بنانے والوں کومہنگی کرکے دی جارہی ہے، عوام کسی کو ووٹ دیتی ہے،اقتدار میں کوئی آجاتا ہے، تحریک انصاف کے چیئرمین عمران خان کا کہنا ہے کہ حکومت نے اگر تحریک انصاف کے کارکنوں اور عہدیداروں کی نظر بندی کا منصوبہ بنایا تو یہ حکمرانوں کیلئے سیاسی خودکشی کے مترادف ہوگا۔

Print Friendly, PDF & Email

Comments

comments

یہ بھی پڑھیں