site
stats
پاکستان

بارش اور برفباری: پہاڑوں نے سفید چادر اوڑھ لی

اسلام آباد : ملک کے مختلف علاقوں میں بارش اوربرفباری کا سلسلہ جاری ہے،تفصیلات کے مطابق اسلام آباد اور راولپنڈی میں بارش اور چترال میں برفباری نے سردی کا مزہ دوبالا کر دیا۔

محکمہ موسمیات کا کہنا  ہے کہ  پنجاب کے چند شہروں مزید بارش کا امکان ہے۔ کہیں رم جھم برسات ہے توکہیں برف نے ڈیرے جمالئے۔ جس کے باعث سردی کی شدت میں بھی اضافہ ہوگیا ہے۔

راولپنڈی،پشاور اور اسلام آباد میں برکھارت نے شہریوں کا موڈ خوشگوار کردیا۔ٹھنڈے موسم میں لوگ بارش کا مزہ لینے سڑکوں پر نکل آئے۔

چترال میں برفباری سے سردی کی شدت مزید بڑھ گئی۔لواری ٹاپ پربھی تین سے چار انچ تک برف پڑی ہے جس کے باعٹ ٹریفک کی روانی بھی معطل ہے۔

محکمہ موسمیات کا کہنا ہے کہ اسلام آباد، راولپنڈی، لاہور اور سرگودھا سمیت پنجاب کے مختلف شہروں میں مزید بارش کاامکان ہے ۔

گلگت بلتستان ،پارہ چنار اور مالاکنڈ سمیت چند مقامات پر برفباری کی پیشگوئی کی جا رہی ہے۔موسم کا حال بتانے والوں کے مطابق کئی شہروں میں موسم سرداور خشک رہے گا۔ گزشتہ روز سب سے کم درجہ حرارت اسکردو میں منفی سات، قلات اور استور میں منفی تین ڈگری سینٹی گریڈ رہا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top