site
stats
انٹرٹینمںٹ

بالی وڈ اداکارہ جوہی چاولہ آج اپنا 47 واں یوم پیدائیش منارہی ہیں

بالی وڈ اداکارہ جوہی چاولہ نے انیس سو چھیاسی میں فلم سلطنت کے ذریعے اپنے فلمی سفر کا آغاز کیا۔ لیکن انہیں اصل شہرت فلم قیامت سے قیامت تک سے ملی جس میں ان کے ساتھ عامر خان جلوہ گر ہوئے تھے۔

انیس سوچوراسی میں مس انڈیا کا تاج بھی جوہی چاولہ کے سر پر سجا۔ جوہی چاولہ نے نہ صرف ہندی بلکہ چند تمل، تلگو ملیالم، پنجابی، بنگالی اور کناڈا فلموں میں بھی کام کیا جبکہ انکی ہندی فلموں کی تعداد زیادہ ہے۔ انکی مشہور فلموں میں ہم ہیں راہی پیار کے، ڈر، یس باس، دیوانہ مستانہ، عشق، بول رادھا بول اور راجو بن گیا جیٹلمین وغیرہ شامل ہیں۔معصوم شکل وصورت کی حامل جوہی چاولہ نے رومانی فلموں کے علاوہ مزاحیہ اور سنجیدہ قسم کے رول بھی بخوبی نبھائے۔

جوہی چاولہ انیس سوپچانوے میں جے مہتہ سے رشتہ ازدواج میں منسلک ہوئیں جن سے ان کے دو بچے ہیں۔ شادی کے بعد انہوں نے زیادہ کام نہیں کیا۔ اداکارہ نے دو ہزار چودہ میں فلم گلاب گینگ کے ذریعے انڈسٹری میں دوبارہ قدم رکھا۔ جس میں انکا منفی کردار تھا۔ اس فلم میں ان کے ساتھ مادھوری ڈکشٹ بھی مرکزی کردار میں جلوہ گر ہوئیں تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top