The news is by your side.

Advertisement

باڑہ اورچک درہ میں سیکیورٹی فورسزکی کارروائی، 18دہشت گرد ہلاک

خیبرایجنسی: سیکیورٹی فورسز نے خیبر ایجنسی اور دیر میں کارروائی کرتے ہوئے اٹھارہ دہشت گردہلاک کر دیئے ہیں، کارروائی میں بھاری تعداد میں اسلحہ اور خود کش جیکٹس برآمد کرلی گئی ہے۔

سیکیورٹی فورسز دہشتگردوں کے مکمل خاتمے کیلئے پُرعزم ہیں، آپریشن ضربِ عضب کے ساتھ خیبر ون اور خیبر ٹو بھی کامیابی کے ساتھ جاری ہیں، ہر گزرتے دن سیکیورٹی فورسز کی دہشتگردوں پر کاری ضرب جاری ہے۔

خیبرایجنسی کے علاقے باڑہ اسپین قبرمیں سیکیورٹی فورسزکے ساتھ جھڑپ میں سترہ شدت پسند مارے گئے، ہلاک ہونے والوں کی لاشیں لیوی سینٹر پہنچادی گئیں ہیں۔

دوسری جانب دیرکے علاقے چک درہ میں بھی سیکیورٹی فورس کے ساتھ مڈبھیڑ میں ایک شدت پسند ہلاک ہوگیا، ذرائع کے مطابق مارے گئے، دہشتگردوں کے قبضے سے خود کش جیکٹ، دستی بم اور دھماکہ خیز مواد بھی برآمد ہوا ہے۔

Print Friendly, PDF & Email

Comments

comments

یہ بھی پڑھیں