لاہور: پاکستانی نژادعالمی شہرت یافتہ باکسرعامرخان چارروزہ دورے پر لاہور پہنچ گئے، وہ پاکستانی نوجوان باکسزرکے لیے پروگرام کا اعلان کریں گے۔

عالمی شہرت یافتہ باکسر عامرخان کی پاکستان میں انٹری کی خبروں سے صحافی ان کے ساتھ سیلفی لینےکو بے تاب دکھائی دیئے، عامر خان لاہور ایئر پورٹ پہنچے تو صحافیوں میں گھل مل گئے اور ساتھ تصاویر بھی بنوائیں۔

  عامر خان نے میڈیا سے گفتگو میں کہا کہ پاکستان باکسنگ کے ٹیلنٹ سے مالا مال ہے، وہ لاہور میں زیرِ تعمیر باکسنگ اکیڈمی کا جائزہ لینے آئے ہیں،  انھوں نےکہا کہ وہ مےویدر ان سے فائٹ کے لئے تیار ہیں لیکن امریکی باکسر ان سے لڑنے سے کتراتا ہے۔

  عامرخان کا کہنا تھا کہ اگر نوجوان محنت کریں تو اچھے فائٹر بن سکتے ہیں۔