site
stats
اہم ترین

بجلی بحران، وزیرِاعظم نے آج ہنگامی اجلاس طلب کرلیا

اسلام آباد: وزیرِاعظم نے بجلی بحران پر آج ہنگامی اجلاس طلب کرلیا ہے۔

گزشتہ روز وفاقی وزیرِ پانی و بجلی خواجہ آصف نے وزیرِاعظم نواز شریف سے ملاقات کی اور انھیں بریک ڈاؤن پر بریفنگ دی، وزیرِاعظم نواز شریف کو بریفنگ دیتے ہوئے وفاقی وزیرِ پانی و بجلی کا کہنا تھا کہ بریک ڈاؤن کے بعد بجلی سپلائی کی صورتحال میں بہتری آ رہی ہے۔

خواجہ آصف کا کہنا تھا کہ گزشتہ دس روز کے دوران دہشت گردی کے تین واقعات سے بجلی کی فراہمی میں تعطل پیدا ہوا ہے، جن میں سے 2واقعات گزشتہ دو راتوں میں ہوئے اور جعمہ کی رات ہونے والا حملہ گیس پائپ لائن پر ہوا، جسے مرمت کرکے 13گھنٹوں بعد بحال کیا۔

وفاقی وزیر کا کہنا تھا کہ کچھ دیر بعد ملک بھر میں بجلی کی فراہمی کی صورتحال میں بہتری آجائے گی۔

انھوں نے وزیرِاعظم کو بتایا کہ اوچ میں خرابی کے باعث گڈو پاور پر لوڈ بڑھنے سے پلانٹ ٹرپ کرگیا تھا، جس کی وجہ سے بجلی کا بحران پیدا ہوا۔

اس موقع پر وزیرِاعظم نواز شریف نے وفاقی وزیر کو ہنگامی بنیادوں بحالی کا کام مکمل کرنے کی ہدایت کی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top