کراچی: بحریہ ٹاؤن کے تعمیر کردہ کلفٹن فلائی اوور اور انڈر پاسزکا افتتاح ہوگیا، افتتاحی تقریب کے مہمان خصوصی چیئرمین بحریہ ٹاؤن ملک ریاض تھے۔
بحریہ ٹاؤن کی جانب سے کراچی میں کلفٹن فلائی اوور، تین انڈر پاسز اور دو زیرزمین گزرگاہوں کا افتتاح ہوگیا۔
دو کلو میٹر رقبے سے زائد پر مشتمل پراجیکٹ کا افتتاح بحریہ ٹاؤن کے ستر سالہ کارکن غلام جیلانی نے کیا، جو ایک برس کی قلیل مدت میں مکمل کیا گیا ہے ۔
افتتاحی تقریب سے خطاب میں چئیرمین بحریہ ٹاؤن ملک ریاض کا کہنا تھا کہ تاجر سرمایہ کاری کریں ملک دو سال میں یورپ امریکہ کی طرح بن سکتا ہے۔
تقریب سے خطاب میں ملک ریاض نے سابق سٹی ناظم مصطفی کمال کا بھی شکریہ ادا کیا، ملک ریاض کا کہنا تھا کہ بیس اعشاریہ آٹھ ارب روپے لاگت کے یہ منصوبے بحریہ ٹاؤن کی جانب سے کراچی والوں کے لئے تحفہ ہیں۔