برسبین: برسبین ٹیسٹ میں بھارتی ٹیم پہلی اننگز میں چار سو آٹھ رنز بنا کر آؤٹ ہوگئی ہے، آسٹریلیا نے دوسرے روز کھیل کے اختتام تک چار وکٹوں پر دو سو اکیس رنز بنالئے۔
برسبین میں کھیلے جانے والے ٹیسٹ کے دوسرے روز بھارت نے پہلی نامکمل اننگز تین سو گیارہ رنز چار کھلاڑی آؤٹ پر دوبارہ شروع کی تو ستانوے رنز کے اضافے کے بعد پوری ٹیم چار سو آٹھ رنز بناکر آؤٹ ہوگئی۔
مرلی وجے ایک سو چوالیس رنز بناکر نمایاں رہے، ہیزل ووڈ نے پانچ وکٹیں حاصل کیں۔
- Advertisement -
جواب میں آسٹریلیا نے دوسرے روز محتاط انداز سے بیٹنگ کرتے ہوئے کھیل کے اختتام تک چار وکٹوں پر دو سو اکیس رنزبنالئے ہیں، کرس راجرز نے پچپن رنز کی اننگز کھیلی، اسٹیون اسمتھ پینسٹھ رنزبناکر وکٹ پر موجود ہیں۔
