برسبین :بھارت نے برسبین ٹیسٹ کے تیسرے روز دوسری اننگز میں ایک وکٹ کے نقصان پر اکہتر رنز بنالیے ہیں۔
آسٹریلوی ٹیم پہلی اننگز میں پانچ سو پانچ رنز پر آؤٹ ہوئی۔برسبین ٹیسٹ کے تیسرے روز آسٹریلوی ٹیم نے پہلی اننگز دوسو اکیس رنز چار کھلاڑی آؤٹ سے دوبارہ شروع کی۔
اسٹیون اسمتھ کی سنچری، مچل اسٹارک اور مچل جانسن کی نصف سنچریوں کی بدولت آسٹریلیا پانچ سو پانچ رنز بناسکی۔۔ بھارت کیلئے اومیش یادوو اور اشانت شرما نے تین ،تین وکٹیں حاصل کیں۔
- Advertisement -
دوسری اننگز میں بھارت نے ایک وکٹ پر اکہتر رنز بنالیے ہیں۔ مرلی وجے کو ستائیس رنز پر مچل جانسن نے بولڈ کیا۔ آسٹریلیا کی پہلی اننگز پر سبقت حاصل کرنے کیلئے بھارت کو چھبیس رنز درکار ہیں۔
