برطانوی صحافی مظہرمحمود بےنقاب -
The news is by your side.

Advertisement

برطانوی صحافی مظہرمحمود بےنقاب

لندن:برطانوی صحافی مظہر محمود کی حقیقت برطانوی میڈیا نے بےنقاب کردی،مظہر محمود منشیات کی ڈیلنگ سمیت مختلف جرائم میں ملوث ہے۔

 بی بی سی کے پروگرام پینوراما میں پاکستان نژاد برطانی صحافی مظہرمحمود کے بارے میں تفصیلی ڈاکیومینٹری نشر کی گئی ہےجس میں انکشاف کیا گیا ہے کہ مظہرمحمود منشیات ڈیلنگ اورلوگوں کو مختلف جرائم کےلیےاکسانےمیں ملوث رہا ہےجبکہ مظہرمحمود کوجعلی شیخ کےنام سے بھی جانا جاتا ہے۔

مظہرمحمود نےمختلف بہانوں سےڈاکیومنٹری کوکئی بارنشر ہونے سےروکنے کی کوشش کی،مظہرمحمود نےڈاکیومنٹری کو بےبنیاد قراردیا ہے۔

پاکستانی کرکٹرزکےاسپاٹ فکسنگ کیس میں سلمان بٹ،محمد آصف اور محمد عامرکو پھنسانے میں بھی مظہر محمود نےاہم کردار ادا کیا تھا۔

برطانوی میڈیا کے انکشافات کےبعد سابق برطانوی اٹارنی جنرل گولڈ اسمتھ کا کہنا ہے کہ مظہرمحمود کی وجہ سےجن لوگوں کو سزا ہوئی عدالت کو چاہیے کہ وہ ان کیسز پردوبارہ غورکرے۔

رپورٹ کے مطابق مظہرمحمود کو ان کےعہدے سے معطل اور ان کے خلاف تحقیقات کا نیا سلسلہ شروع کردیا گیا ہے۔

Comments

comments

یہ بھی پڑھیں