برطانوی ہائی کمشنرسے ملاقات الطاف حسین پر نہیں تھی، چوہدری نثار -
The news is by your side.

Advertisement

برطانوی ہائی کمشنرسے ملاقات الطاف حسین پر نہیں تھی، چوہدری نثار

وزیرِ داخلہ چوہدری نثار کا کہنا ہے کہ برطانوی ہائی کمشنر سے ملاقات کا الطاف حسین کی پیشی سے کوئی تعلق نہیں۔

  وزیرِ داخلہ چوہدری نثار میڈیا سے گفتگو میں کہا کہ گزشتہ 3 دنوں سے واقعات کے حوالے سے خبریں آرہی ہے، کل برطانوی ہائی کمشنر سے ملاقات پہلے سے طے شدہ تھی، ملاقات کا الطاف حسین کی پیشی سے کوئی تعلق نہیں ، مسئلہ ۵ سال سے حل طلب ہوتو حساسیت بڑھ جاتی ہے۔

وزیرِ داخلہ نے کہا کہ کل برطانوی ہائی کمشنر سے منی لانڈرنگ سمیت کئی ایشوز پر بات ہوئی، میں نے کہا سوا سال سے تعاون کر رہے ہیں، تعاون دوطرفہ ہونا چاہیئے، ہمارا برطانیہ سے مجرمان کے تبادلے کا کوئی معاہدہ نہیں۔

چوہدری نثار نے کہا کہ میں کسی بھی ملک کے سفیر کو بریف نہیں کرتا ، کسی ملک کے سفیر کو بریف کرنا ملک کی ہتک ہے، کسی سفیر کو دستاویز دینا میرے اختیار میں نہیں ہیں۔

انھوں نے کہا کہ ایم کیو ایم کے کیس کو منطقی انجام تک پہچانے کا اعلان خوش آئندہ ہے۔

انھوں نے کہا کہ عمران قاروق قتل کیس کے کوئی سیاسی محرکات نہیں، ہفتے یا دس دن میں کیس کی مزید تحقیقات سے آگاہ کروں گا، جو بھی معلومات دی گئی وہ وزیراعظم کے فیصلے پر دی گئی۔

وزیرِ داخلہ نے کہا  کہ کیس میں بڑا کریک ڈاؤن ایجنسیوں نے کیا ، پاکستانی اداروں نے اسکاٹ لیند یارڈ کو راستہ دکھایا، کیس میں سیکورٹی اداروں نے دورازے کھولے، کیس کو منطقی انجام تک پہنچانا ہے۔

چوہدری نثار نے کہا کہ یہ معاملہ بین الاقوامی  شکل بھی اختیار کرچکا ہے، سنگین جرائم پر عالمی پابندیوں کے تحت تعاون کے پابند ہے، جن باتوں کو لانا ضروری ہے ان سے آگاہ کیا جائے گا۔

انھوں نے  بتایا کہ کہا جا رہا یے پاکستان مجرموں تک پہچانے میں سنجیدہ نہیں۔

 

Comments

comments

یہ بھی پڑھیں