برطانیہ نے پاکستان کو شکست دیکر اولمپکس 2016 میں جگہ بنالی -
The news is by your side.

Advertisement

برطانیہ نے پاکستان کو شکست دیکر اولمپکس 2016 میں جگہ بنالی

کراچی : برطانیہ نے پاکستان کو اولمپک کوالیفائنگ راؤنڈ کے کوارٹر فائنل میں دو ایک سے ہرا کر ریو اولمپکس دو ہزار سولہ میں جگہ بنالی۔

پاکستان کیلئے اولمپک دوہزار سولہ میں جگہ بنانا مزید مشکل ہوگیا، اب قومی ٹیم کو پانچویں پوزیشن کا میچ لازمی جیتنا ہوگا، جیتے تو وائلڈ کارڈ ملنے سے راہ ہموار ہوجائیگی اورناکامی کی صورت میں ریو اولمپکس خواب ہوجائے گا۔

کوارٹر فائنل میچ میں پاکستان کیخلاف برطانیہ نے ابتدا سے ہی جارحانہ انداز اپنایا اور یکے بعد دیگرے گول کرکے دو صفر کی سبقت قائم کرلی۔

آخری کوارٹر میں عمر بھٹہ نے فیلڈ گول کرکے پاکستان کیلئے ایک گول کا خسارہ کم کیا لیکن میچ کا فیصلہ برطانیہ کے حق میں رہا فوٹیج برطانیہ نے میچ جیت کر اولمپک دو ہزار سولہ میں جگہ بنالی ہے۔

پاکستان ہاکی ٹیم کے کپتان محمد عمران کا کہنا ہے کہ برطانیہ سے شکست کے بعد اولمپک میں جگہ بنانے کا سفر مزید کٹھن ہوگیا، پانچویں پوزیشن کا میچ جیت کر میگاایونٹ میں رسائی کی پوری کوشش کرینگے۔

Comments

comments

یہ بھی پڑھیں