site
stats
اہم ترین

بلاول بزرگ رہنماؤں کو بٹھا کر نوجوانوں آگے لائیں،اعتزازاحسن

کراچی: پاکستان پیپلزپارٹی کے سینئررہنماء اعتزازاحسن نے کہا ہے کہ بلاول بھٹو زرداری بزرگ رہنماؤں کو پیچھے بٹھا کر نوجوانوں آگے لائیں، پارٹی کو نوجوان رہنماؤں کی شدید ضرورت ہے۔

ان خیالات کا اظہار انہوں نے جناح گراؤنڈ میں جلسے کے شرکاء سے خطاب کرتے ہوئے کیا، انہوں نے کہا کہ میرا اس عظیم الشان جلسے کو دیکھ کرجمہوریت اور ملکی استحکام پر یقین اور پختہ ہوگیا ہے۔

اعتزاز احسن نے کہا کہ چیئرمین بلاول بھٹو زرداری نے کارکنان سے معافی مانگی ہے لیکن یہ معافی ہم کو  ملتان الیکشن میں ہارنے پرمانگنی چاہئے تھی،انہوں نے کہا کہ ملتان میں بد قسمتی سے پیپلزپارٹی تیسرے نمبر پر آئی ۔

ضمنی الیکشن میں دھاندلی ہوئی لیکن اس کی آواز کہیں سے نہیں اُٹھی ، لیکن اس شکست کے بعد ہمیں یہ عزم کرنا ہے کہ آئندہ انتخاب کو ہم نے اپنی محنت لگن سے اس شکست کو فتح میں بدل دیں گے ۔

اس کیلئے دن رات کام کرنا ہوگا، انہوں نے بلاول بھٹو زرداری سے کہا کہ نوجوانوں اور خواتین کیلئے منشور دینا ہوگا اور ان سے کیئے وعدوں کو پورا کرنا ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top