بلاول بھٹو نے موجودہ حالات کے تناظرمیں بات کی، خورشید شاہ -
The news is by your side.

Advertisement

بلاول بھٹو نے موجودہ حالات کے تناظرمیں بات کی، خورشید شاہ

اسلام آباد: پیپلزپارٹی کے رہنماء اور قائد حزب اختلاف خورشید شاہ نے کہا ہے کہ پیپلز پارٹی چیئرمین بلاول بھٹو زرداری نے اپنی تقریر میں جو کچھ کہا وہ موجودہ حالات کے تناظر میں کہا ہے تاہم پیپلز پارٹی مفاہمت کی پالیسی پر کاربند رہےگی۔

عید کے موقع پر پیپلز پارٹی کے چیئرمین بلاول بھٹو زرداری کی پارٹی کارکنان سے خطاب پر ملک بھر سے تبصرے کئے جارہے ہیں، پیپلزپارٹی کے رہنماء اور قائد حزبِ اختلاف خورشید شاہ نے بلاول بھٹو کی تقریر پر تبصرہ کرتے ہوئے کہا کہ انہوں نے تقریر میں جو کچھ کہا وہ موجودہ حالات کے تناظر میں کہا، تاہم پارٹی پالیسی میں کوئی تبدیلی نہیں ہے اور پیپلز پارٹی مفاہمت کی پالیسی پر کاربند رہے گی۔

خورشید شاہ کا کہنا تھا کہ دیگر سیاسی رہنما یہ کیوں سمجھتے ہیں کہ ہم بولیں تو ٹھیک اور کوئی دوسرا بولے توغلط ہے۔،

دھرنوں پر تبصرہ کرتے ہوئے انہوں نے کہا کہ دھرنوں سے ملک کی معیشت متاثر ہورہی ہے جبکہ چینی صدرکا دورہ ملتوی ہونے سے لاکھوں مالیت ڈالر کا نقصان ہوا ہے۔

Comments

comments

یہ بھی پڑھیں