پیپلزپارٹی کے رہنماؤں کی سندھ میں کارکردگی بہتر بنانے کیلئے کابینہ میں ردوبدل کی تجاویز -
The news is by your side.

Advertisement

پیپلزپارٹی کے رہنماؤں کی سندھ میں کارکردگی بہتر بنانے کیلئے کابینہ میں ردوبدل کی تجاویز

دبئی : پیپلز پارٹی کے رہنماؤں نے سندھ میں کارکردگی بہتر بنانےکیلئے صوبائی کابینہ میں ردوبدل کی تجاویز دے دیں، بلاول بھٹو زرداری نےجیالوں کو سندھ میں بلدیاتی انتخابات کی بھرپور تیاری کی ہدایت کردی۔

پیپلزپارٹی کے چئیرمین بلاول بھٹو زرداری نے پارٹی ورکروں کو سندھ میں بلدیاتی انتخابات کی تیاریاں کرنے کی ہدایت کردی، شریک چئیرمین آصٖف علی زرداری کا کہنا ہے کہ سندھ میں اچھی طرز حکمرانی اولین ترجیح ہے۔

دبئی میں پیپلزپارٹی کے چئیرمین بلاول بھٹوزرداری اور شریک چئیرمین آصف علی زرداری کی زیرِصدارت پیپلزپارٹی کا اعلٰی سطح اجلاس ہوا، جس میں سندھ کی انتظامی صورتحال اور وزراء کی کارکردگی کا جائزہ لیا گیا، وزیرِاعلٰی سندھ سید قائم علی شاہ نے صوبے کی مجموعی صورتحال پر بریفنگ دی۔

ذرائع کے مطابق اجلاس میں سندھ کابینہ میں ردو بدل کے فیصلے پر بھی غور کیا گیا۔

آصف علی زرداری نے صوبے بھر میں اچھی طرز حکمرانی قائم کرنے پر زور دیتے ہوئے کہا ہے کہ عوام سے کیے گئے وعدے اور ان کے مسائل ترجیح بنیادوں پر حل کیے جائیں۔

اس موقع پر بلاول بھٹو زرداری نے پارٹی ورکروں کو بلدیاتی انتخابات کی تیاریاں کرنے کی بھی ہدایت کی۔ اجلاس میں رحمان ملک ،مراد علی شاہ اور شرجیل میمن سمیت دیگر رہنماء بھی شریک ہوئے۔

Comments

comments

یہ بھی پڑھیں