بلاول بھٹو کے ایم کیوایم پر سنگین الزامات، رابطہ کمیٹی کا ہنگامی اجلاس شروع -
The news is by your side.

Advertisement

بلاول بھٹو کے ایم کیوایم پر سنگین الزامات، رابطہ کمیٹی کا ہنگامی اجلاس شروع

کراچی:پیپلز پارٹی کے چیئرمین بلاول بھٹو کی جانب سے متحدہ قومی موومنٹ پرعائد کئے گئے سنگین الزامات کے خلاف ایم کیو ایم کا شدید ردِعمل سامنےآیا ہے، لندن اور کراچی میں رابطہ کمیٹی کا ہنگامی اجلاس شروع ہوگیا ہے۔

رابطہ کمیٹی کے اجلاس میں بلاقل بھٹو کے بیان کا تفصیلی جائزہ لیا جائےگااور اسکی روشنی میں اہم فیصلے متوقع ہیں۔

اسی حوالے سے آروائی نیوز سے گفتگو کرتے ہوئے ایم کیوایم کے لیڈر حیدرعباس رضوی کاکہنا تھا کہ ایم کیوایم کے کارکنان کو اس بیان پرشدید تحفظات ہیں۔

آج صبح بلاول نے پی پی کے کارکنان سے خطاب کرتے ہوئے ایم کیوایم کے سربراہ الطاف حسین کو مخاطب کرتے ہوئے کہا تھا کہ 18اکتوبر کو نامعلوم افراد کو لگام ڈال کر رکھی جائے اگر پی پی کے کسی کارکن کو ذرا سا بھی نقصان ہوا تو وہ الطاف حسین کو سکون سے نہیں بیٹھنے دیں گے۔

حیدرعباس رضوی کا کہنا تھاکہ کراچی میں ایم کیو ایم کے کارکنان کے قتل میں ملوث افراد کی لندن میں موجودگی پرایم کیوایم کو شدیدتحفظات ہیں۔
انہوں نے مزید کہا کہ ایم کیوایم بلاول کے بیان کا تمام قانونی پہلوؤں سےجائزہ لے رہی ہے اوربیان واپس نہ لینے کی صورت میں بلاول بھٹو کے خلاف لندن اور کراچی میں کاروائی ہوسکتی ہے۔

Comments

comments

یہ بھی پڑھیں