کوئٹہ: بلوچستان اسمبلی کے ڈپٹی اسپیکر عبدالقدوس بزنجو نے صوبائی حکومت کے ساتھ تحفظات کی بنا پراستعفیٰ دے دیا۔
انہوں نے بلوچستان کے وزیرِاعلیٰ کو تنقید کا نشانہ بناتے ہوئے کہا کہ وہ ان کے حلقے کے معاملات میں دخل اندازی کررہے ہیں۔
انہوں نے یہ بھی کہا کہ بلوچستان اسمبلی کےاسپیکر انکے اختیارات انہیں تفویض نہیں کررہے۔
عبدالقدوس بزنجو نے ناراضگی کااظہار کرتے ہوئے کہا کہ وہ عضو معطل بن کردفترمیں نہیں بیٹھنا چاہتے۔
انہوں نے اپنا استعفیٰ مسلم لیگ ن کے پارلیمانی سربراہ برائے بلوچستان اسمبلی نواب ثنا اللہ زہری کو بھجوادیا ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
