بلوچستان اسپورٹس فیسٹیول کا اختتام، محفلِ موسیقی کا انعقاد -
The news is by your side.

Advertisement

بلوچستان اسپورٹس فیسٹیول کا اختتام، محفلِ موسیقی کا انعقاد

کوئٹہ : بلوچستان اسپورٹس فیسٹیول کے سلسلے میں ہونیوالی میوزیکل ایوننگ میں لوک دھنوں کے سرور اور پاپ موسیقی نے محفل کو ایسے گرما دیا کہ حاضرین جھومنے لگے۔

کوئٹہ میں بلوچستان اسپورٹس فیسٹیول کے اختتام سے قبل اتوار کی شام موسیٰ اسٹیڈیم میں میوزیکل ایوننگ منعقد کی گئی جس میں بلوچستان کے مقامی لوک فنکاروں کے علاوہ حمیرا ارشد اور شہزاد رائے نے اپنے شہرت یافتہ گانے گا کر سرد موسم میں منعقدہ محفل کو گرما دیا۔

کنسرٹ میں گورنر بلوچستان محمد خان اچکزئی کمانڈر سدرن کمانڈ لیفٹیننٹ جنرل ناصر خان جنجوعہ صوبائی وزراء اور اعلیٰ سول و عسکری افسران کے علاوہ شہریوں نے شرکت کی ۔

شرکاء میں بڑی تعداد نوجوانوں کی تھی جو اپنے پسندیدہ گانوں پر جھومتے رہے، پروگرام کے اختتام پر آتش بازی کا شاندار مظاہرہ کرکے آسمان پر خوشی اور بہار کے رنگ بکھیرے گئے، جس نے آنے والے شہریوں کے لئے اس شام کو مزید یادگار اور خوشگوار بنادیا۔

Comments

comments

یہ بھی پڑھیں