بلوچستان میں بھی فلڈ وارننگ جاری -
The news is by your side.

Advertisement

بلوچستان میں بھی فلڈ وارننگ جاری

کوئٹہ : بلوچستان میں بھی فلڈ وارننگ جاری کردیا گیا ہے، سدرن کمانڈ کی جانب سے وارننگ جاری کئے جانے پر صوبائی حکومت نے نوٹس لیتے ہوئے قبل از وقت اقدامات کا آغاز کردیا ہے۔

کوئٹہ میں پریس کانفرنس سے خطاب کرتے ہوئے صوبائی وزیرِ داخلہ میر سرفراز بگٹی نے بتایا ہے کہ جعفرآباد ، نصیر آباد، ڈیرہ بگٹی،  صحبت پور اور نواحی علاقوں میں سیلاب آنے کے امکانات کے پیش نظر سدرن کمانڈ نے فلڈ وارننگ جاری کردیا ہے۔

جس کے بعد صوبائی حکومت نے متعلقہ حکام کو قبل اَز وقت اقدامات شروع کرنے کی ہدایت کی ہے اس ضمن میں سیکرٹری داخلہ اور سیکرٹری ایری گیشن کو ہدایت کی گئی ہے کہ تمام متعلقہ محکموں کے افسران اور ملازمین کی چھٹیاں منسوخ کی جائیں۔

سرفراز بگٹی کا کہنا تھا کہ صوبے میں سیلاب کے خطرات اور بعد ازسیلاب کی صورتحال سے نمٹنے کے لئے ٹینٹ اور خوراک کی اشیاء کی کمی ہے، اس سلسلے میں وفاقی حکومت صوبے کی فوری مدد کرتے ہوئے اقدامات کرے۔

Comments

comments

یہ بھی پڑھیں