ویگاس: بل بورڈ میوزک ایوارڈ کا میلہ ایک بار پھر ٹیلر سوئفٹ نے جیت لیا۔
امریکی ریاست ویگاس میں ستاروں کا جھرمٹ اتر آیا، جہاں سروں بھری شام سجائی گئی، بل بورڈ میوزک ایوارڈ کی تقریب میں دنیا بھر سے آئے معروف گلوکاروں نے شرکت کی۔
میوزک کے عالمی چارٹ مرتب کرنے والے ادارے بل بورڈ نے نامور امریکی گلوکارہ ٹیلر سوئفٹ کوآرٹسٹ آف دی ائیر کا اعزاز دیا۔
ٹیلر سوئفٹ اس سے پہلے بھی یہ اعزاز حاصل کرچکی ہیں۔
میوزک ایوارڈ کی تقریب میں ستاروں کی شاندار پر فارمنس نے چار چاند لگائے، ریڈ کارپٹ پر ہالی وڈ ستاروں نے خوب جلوے بکھیرے۔