بم کی افواہ پھیلانےوالی ملزمہ کی درخواست ضمانت مسترد -
The news is by your side.

Advertisement

بم کی افواہ پھیلانےوالی ملزمہ کی درخواست ضمانت مسترد

لاہور :جہاز میں بم کی افواہ پھیلانے کی ملزمہ کی درخواست ضمانت لاہور ہائیکورٹ نےمسترد کردی ،ہائیکورٹ کے دو رکنی بنچ نے ملزمہ سونیا کی جانب سے دائر درخواست کی سماعت کی ۔

سرکاری وکیل نے عدالت کو بتایا کہ ملزمہ نے ایئرپورٹ سکیورٹی کو فون کرکے افواہ پھیلائی تھی کہ اس کا خاوند بم لے کر جہاز میں داخل ہوچکا ہے، جس سے پورے ملک میں خوف ہراس پھیلا ۔

تاہم جب اس کے خاوند سے تفتیش کی گئی تو وہ بے گناہ قرار پایا جب کہ تفتیش پر پتہ چلا کہ سونیا نے اپنے آشنا سے مل کرخاوند کو پھنسانے کی کوشش کی تھی۔

ملزمہ کے وکیل نے عدالت کو بتایا کہ الزام غلط ہے جس نمبر سے ٹیلی فون کیا گیا وہ نمبر سونیا کا نہیں ہے، پولیس اپنی کارگرگی دکھانے کے لیے بے گناہ پر الزام عائد کررہی ہے۔

عدالت نے وکلاء کے دلائل سننے کے بعد ملزمہ سونیا کی درخواست ضمانت مسترد کردی۔

Comments

comments

یہ بھی پڑھیں