The news is by your side.

Advertisement

بنوں دھماکے کا شہید فوجی فیصل آباد میں سپردخاک

بنوں بم دھماکے میں شہید فوجی جوان نوید احمد کو فیصل آباد کے آبائی قبرستان میں فوجی اعزاز کے ساتھ سپردخاک کر دیا گیا ۔

سمندری کے گاؤں جھروڑ کے زمیندار اصغر علی کے خاندان کو کیا خبر تھی کہ چھٹیاں گزار کر ڈیوٹی پر جانے والا ان کا سپوت پاک فوج کا سپاہی 23 سالہ نوید احمد ایک روز بعد ہی شہادت کا تاج پہنے ہمیشہ کے لئے گھر لوٹ آئے گا ۔ بنوں دھماکے میں جام شہادت نوش کرنے والا نوید ایک بھائی اور پانچ بہنوں کا لاڈلا تھا ۔

نوید کے غم سے نڈھال والد اصغر علی کا کہنا ہے، شہید نوید نے 2009ء میں پاک فوج میں شمولیت اختیار کی ۔ والدہ اوائل عمری ہی میں وفات پا گئیں تو باپ اور بڑے بھائی نے ماں کی کمی محسوس نہ ہونے دی ۔

نوید کا کزن اور بہترین دوست اعجاز احمد کچھ یوں اظہار خیال کرتا ہے، شہید کا خاندان جہاں ان کی جدائی کے غم کے بوجھ تلے دبا ہوا ہے وہاں انہیں اس بات پر فخر بھی ہے کہ ان کے بیٹے نے وطن کے لئے اپنی جان قربان کی ۔

شہید کے تایا محمد علی کہتے ہیں ۔ 25 ہزار آبادی کے حامل اس گاؤں کے مکینوں کا کہنا ہے نوید کی شہادت نے یہاں کے ایک ایک گھر میں نوید کو جنم دیا ہے اور وہ اپنے بچوں کو پاک فوج میں بھیجنے کے لئے پرعزم ہیں ۔    

Print Friendly, PDF & Email

Comments

comments

یہ بھی پڑھیں