بنگلہ دیش سے شرمناک شکست پرانگلش میڈیا کی کڑی تنقید -
The news is by your side.

Advertisement

بنگلہ دیش سے شرمناک شکست پرانگلش میڈیا کی کڑی تنقید

لندن : ورلڈ کپ کے پہلے ہی راؤنڈ سے باہر ہونے پر انگلش ٹیم کے کوچ پیٹر مورس سے مستعفی ہونے کی خبروں نے زور پکڑا تو بورڈ کے چیف نے اسے مسترد کردیا۔

ورلڈ کپ کے ڈو اینڈ ڈائی میچ میں بنگلہ دیش سے شرمناک شکست کے بعد انگلش میڈیا نے ٹیم کے کوچ اور کھلاڑیوں کو آڑے ہاتھوں لیا۔ تو انگلش بورڈ کے کرتا دھرتا سامنے آگئے۔

ٹیم کے مینجنگ ڈائریکٹر کا کہنا ہے کہ ہیڈ کوچ پیٹر مورس اپنے عہدے پر برقرار رہیں گے۔ بورڈ کو ان پر مکمل اعتماد ہے۔ پیٹر مورس سے استعفی نہیں لیا جارہا۔ وہ دس ماہ قبل آئے تھے۔

اںہوں نے کہا کہ ان کی جگہ کوئی بھی ہوتا اسے بھی درپیش مشکلات کا سامنا کرنا پڑتا۔ برطانیہ کے اخبارات میں کوچ پیٹر مورس سے مستعفی ہونے کی خبریں زور پکڑ رہی ہیں۔ انیس سو بانوے کے بعد یہ پہلا موقع ہے کہ ٹیم کوارٹرفائنل میں بھی نہیں پہنچ سکی۔

واضح رہے کہ ورلڈ کپ کے پول میچ میں بنگلہ دیش کی ٹیم نے انگلیڈ کو سخت مقابلے کے بعد پندرہ رنز سے اپ سیٹ  شکست دی تھی، جو انگلینڈ کے ورلڈ کپ سے باہر ہونے کا سبب بنی،جس پر انگلش میڈیا کی جانب سے اپنی ٹیم کو شدید تنقید کا نشانہ بنایا گیا۔

Comments

comments

یہ بھی پڑھیں