بونیر: ٹی ٹی پی کا فنانسر بخت راج عرف اسد اللہ مارا گیا -
The news is by your side.

Advertisement

بونیر: ٹی ٹی پی کا فنانسر بخت راج عرف اسد اللہ مارا گیا

بونیر: سیکیورٹی فورسز کی کارروائی کے دوران کالعدم تحریکِ طالبان کا اہم رکن بخت راج مارا گیا، سیکیورٹی حکام نے بتایا ہے کہ بخت راج عرف اسداللہ دہشت گردوں کی مالی معاونت کرتا تھا۔

ذرائع کے مطابق سیکیورٹی فورسز نے دہشتگردوں کی موجودگی کی خفیہ اطلاع ملنے پر بونیر کے ایک علاقے کو گھیرے میں لے لیا ہے، جس پر دہشت گردوں نے فورسز پر فائرنگ شروع کر دی۔

جوابی فائرنگ کے نتیجے میں کالعدم تحریکِ طالبان کا ایک اہم کمانڈر بخت راج مارا گیا۔

سکیورٹی حکام کے مطابق بخت راج عرف اسد اللہ کراچی اور بونیر سمیت مختلف علاقوں میں کی جانے والی دہشت گردی کی کارروائیوں کے دوران دہشت گردوں کو مالی معاونت فراہم کرتا تھا اور کراچی پولیس کو بھی مطلوب تھا۔

حکام کے کالعدم تنظیم تحریکِ طالبان کا رکن بخت راج عرف اسد اللہ سوات میں خفیہ اطلاعات پر کئے گئے آپریشن کے دوران مارا گیا۔

Comments

comments

یہ بھی پڑھیں