بڑے جلسوں سے ملک میں کوئی تبدیلی نہیں آئے گی، اعتزازاحسن -
The news is by your side.

Advertisement

بڑے جلسوں سے ملک میں کوئی تبدیلی نہیں آئے گی، اعتزازاحسن

لاہور: پیپلز پارٹی کے سنیئر رہنماء اعتزاز احسن کہتے ہیں کہ بڑے جلسوں سے ملک میں کوئی تبدیلی نہیں آئے گی۔

پنجاب بار کونسل کے انتخابات کے موقع پر لاہور ہائیکورٹ میں میڈیا سے گفتگو کرتے ہوئے اعتزاز احسن کا کہنا تھا کہ عمران خان بڑے جلسے کررہے ہیں، لاڑکانہ کا جلسہ بھی بڑا تھا لیکن بڑے جلسوں سے کوئی تبدیلی نہیں آئے گی۔

انہوں نے کہا کہ اگر تیس نومبر کے جلسے میں امن و امان کی صورتحال خراب ہوئی تو تیسری قوت کو مداخلت کا موقع ملے گا اور ایسی صورت میں عمران خان کو کوئی فائدہ نہیں ہو گا۔

اعتزازاحسن نے کہا کہ پرویز مشرف کیس کے عدالتی فیصلے سے معاملہ سرد خانے کی نذر ہو جائے گا اور نئے ملزمان کو شامل کرنے سے از سرنو کارروائی ہو گی، جس سے معاملہ کھٹائی میں پڑ جائے گا جس کا پرویز مشرف کو فائدہ ہو گا۔

ان کا کہنا تھا کہ پرویز مشرف کی درخواست میں سات افراد کو مقدمے میں شامل کرنے کی استدعا کی گئی ہے مگر عدالت نے تین سویلینز کو شامل کرنے کا حکم دیا ہے۔

Comments

comments

یہ بھی پڑھیں