The news is by your side.

Advertisement

بڑے ستاروں نے سنی لیون کے ساتھ کام کرنے سے انکار کردیا

ممبئی: سنی لیون کی نئی فلم اک پہیلی لیلا کے فلمسازنے دعویٰ کیا ہے کہ کئی اداکاروں نے فلم میں بالغ فلموں کی سابقہ اداکارہ کی موجودگی کے سبب فلم میں کام کرنے سے انکار کیا۔

بالی وڈ فلم نگری سے آنے والی اطلاعات میں فلم کے ڈائریکٹر بوبی خان کے حوالے سے کہا جارہا ہے کہ’’ کئی بڑے اورجانے مانے فلمی کرداروں سے فلم کے لئے رابطہ کیا گیا انہوں نے اسکرپٹ کو پسند بھی کیا لیکن فلم میں اس لئے کام کرنے سے انکار کردیا کہ فلم کا مرکزی کردار سنی لیون نبھارہی ہیں جن کا تعلق ماضی میں بالغ فلموں سے رہا ہے۔

ڈائریکٹر کا کہنا ہے کہ ان سب اطلاعات نے سنی لیون کو دکھی کیا ہے۔

ان کا یہ بھی کہنا تھا کہ سنی کا ماضی انہوں نے اپنی مرضی سے چناتھا اور اپنی مرضی سے ترک کیا لیکن بھارت میں آج بھی لوگ ان کے بارے میں ایسا ہی گمان رکھتے ہیں۔


اداکارہ سنی لیون بھی اداکار سلمان خان کی پرستار نکلیں


بوبی نے یہ بھی بتایا کہ سنی لیون کے شوہر ڈینئیل ویبر کہتے ہیں کہ وہ اب جب بھی کسی فلمی ستارے سے ملیں گے تووہ اسے بتائیں گے کہ ان کی شریک ِ حیات بے حد پروفیشنل ہیں اور ان کے ساتھ کام سے انکار کے سبب ان دونوں کو دکھ ہوتا ہے۔

اطلاعات یہ بھی ہیں کہ بوبی چاہتے ہیں کہ ان کی فلم کے ذریعے سنی کے بارے میں لوگوں کا نظریہ بہتر ہو کیونکہ وہ اس فلم میں مرکزی کردار ادا کررہی ہیں۔

Print Friendly, PDF & Email

Comments

comments

یہ بھی پڑھیں