The news is by your side.

Advertisement

بڑے صنعتی اداروں کی شرحِ نمو میں 3.95 فیصد اضافہ

اسلام آباد: گزشتہ مالی سال 2013-14ء کے دوران بڑے صنعتی اداروں کی شرحِ نمو میں 3.95 فیصد تک کا اضافہ ریکارڈ کیا گیا  ہے۔

ادارہ برائے شماریات (پی بی ایس) کی رپورٹ کے مطابق گزشتہ سال کے دوران کچھ شعبوں میں صنعتوں کی کارکردگی متاثر ہوئی تاہم زیادہ تر صنعتی اداروں کی ترقی میں خوشگوار اضافہ ریکارڈ کیا گیا اور بڑے صنعتی اداروں میں سے گیارہ صنعتوں کی شرحِ نمو میں اضافہ ہوا ہے۔

سب سے زیادہ شرحِ نمو فرٹیلائیزر کی صنعتوں کی رہی جو 16.50 فیصد تک بڑھ گئی ہے۔

رپورٹ کے مطابق چمڑے کی مصنوعات تیار کرنے والی صنعتوں نے 11.65 فیصد، پیپر اینڈ بورڈ 10.99 فیصد، فوڈ اینڈ بیوریج 7.16 فیصد، پٹرولیم پروڈکٹس 6.22 فیصد، الیکٹرونکس 9.55 فیصد، آئرن اینڈ اسٹیل 5.58 فیصد، ربڑ پراڈکٹس 11.47 ، کیمیکل 6.87 فیصد جبکہ ٹیکسٹائل کی صنعتوں کی شرحِ نمو میں 1.32 فیصد کا اضافہ ریکارڈ کیا گیا ہے۔

رپورٹ کے مطابق گزشتہ مالی سال کے دوران بعض صنعتوں کی کارکردگی میں منفی رجحان رہا، جن میں لکڑی کی مصنوعات میں27.57 فیصد، انجینئرنگ مصنوعات 12.52 فیصد، فارماسیوٹیکلز 0.17 فیصد اور آٹو موبائیلز کی صنعتوں کی شرح نمو میں 2.56 فیصد کی کمی واقع ہوئی ہے۔

Print Friendly, PDF & Email

Comments

comments

یہ بھی پڑھیں