کولمبین شخص نے اپنے بچوں سمیت انوکھے موسیقی آلات کے ساتھ میوزک بینڈ بنا کر راتوں رات شہرت حاصل کرلی۔
کہا جاتا ہے کہ کوئی چیز ناقابل استعمال نہیں کیونکہ بیکار اشیا کو ری سائیکل کرکے دوبارہ قابل استعمال بنایا جاسکتا ہے، ایسا ہی کچھ کولمبیا کے ایک خاندان نے کر دکھایا۔
اکتالیس سالہ ڈکن شیراڈر نےاپنے گھر کی ناکارہ اشیاء جن میں پرانا کی بورڈ، بچوں کے کھلونے، جوتے، ڈفلی اور سیٹی وغیرہ کو دوبارہ قابل استعمال بناکر بڑی مہارت سے موسیقی کے آلات میں تبدیل کر ڈالا۔
ان موسیقی کے آلات کو ڈکن شیڑاڈر نے اپنی نو سالہ بیٹی ملا اور سات سالہ لڑکے کوربن کے ساتھ بجایا تو اہل محلہ بھی داد دئیے بغیر نہ رہ سکے اور انکی عمدہ پرفارمنس دیکھتے ہوئے اس خاندان کو فیملی میوزک بینڈ کا نام دے ڈالا۔
ویڈیو شئیرنگ ویب سائٹ پر ڈیکن اور اسکے بچوں کی ویڈیو نے دنیا بھر مقبولیت کے جھنڈے گاڑ دیئے، جسے دیکھ کر ایک دن میں تیس لاکھ سے زائد افراد نے پسند کیا۔
